Жорий йилнинг 15 апрель куни Кипрда якунланган FIDE Номзодлар турнири ғолиблигини қўлга киритган ўзбекистонлик шахматчи Жавоҳир Синдоров “Меҳнат шуҳрати” ордени билан тақдирланди. Бу ҳақда Президент Шавкат Мирзиёевнинг тегишли фармони қабул қилинди.
Бугун, 17 апрель куни Жавоҳир Синдоровни кутиб олишга бағишланган маросим ўтказилмоқда. Мазкур тадбирда Бош вазир Абдулла Арипов Президент фармонини ўқиб эшиттирган.
“Кипрда ўтказилган Халқаро шахмат федерацияси Номзодлар турнирида ўзининг юксак интеллектуал салоҳияти ва профессионал маҳоратини яққол намоён этиб, дунёнинг энг кучли гроссмейстерлари орасида рекорд натижалар кўрсатган Синдаров Жавоҳир Санжарбекович “Меҳнат шуҳрати” ордени билан мукофотлансин”, дея Президент фармонини ўқиб эшиттирган Бош вазир.
Эслатиб ўтамиз, Жавоҳир Синдоров турнирда бирор марта мағлубиятга учрамади. Мазкур натижадан дунёнинг 5-рақамли шахматчисига айланди. Ундан олдинда яна бир ўзбекистонлик шахматчи Нодирбек Абдусатторов (2780) ўрин олган.
Президент Шавкат Мирзиёев ҳам Халқаро шахмат федерациясининг Номзодлар турнири ғолиби Жавоҳир Синдоров билан телефон орқали мулоқот қилиб, уни табриклади.
