Афғонистоннинг Самангон вилоятида 3 ноябрь куни Тошкент вақти билан соат 01:29 да содир бўлган зилзила кучи Ўзбекистонда ҳам сезилди.
ФВВнинг Сейсмопрогностик мониторинг республика марказининг хабар қилишича, зилзила магнитудаси 6,8 баллга тенг бўлди, эписентрда сезилиш кучи 7 баллни ташкил қилди.
Ўзбекистон ҳудудида сезилиш кучи:
- Сурхондарё вилоятида 5 балл,
- Қашқадарё вилоятида 3-4 балл,
- Самарқанд вилоятида 3 балл,
- Жиззах вилоятида 3 балл,
- Навоий вилоятида 3 балл,
- Бухоро вилоятида 3 балл,
- Сирдарё вилоятида 3 балл,
- Тошкент шаҳрида 2-3 балл,
- Фарғона вилоятида 2-3 баллни ташкил этди.
Фавқулодда вазиятлар вазирлиги ахборотига кўра, талафотлар тўғрисида маълумот келиб тушмаган.
