Тошкентда гиёҳвандлик воситаларини қадоқлаш ва пуллаш билан шуғулланиб келган шахсларга ҳукм ўқилди. Бу ҳақда “Оvоzа” информацион дастурида хабар қилинди.
Қайд этилишича, “Қорадори-2025” тадбири давомида Юнусобод туманида 32 ёшли эркак шубҳали ҳаракатлари сабаб тўхтатилиб текширилганда, унинг ёнидан катта миқдорда қадоқланган гиёҳвандлик моддалари топилган.
Шу орқали қолган жиноятлар ҳам фош қилинган. Унинг телефони орқали яна икки манзилда олдиндан жойлаштириб келинган гиёҳвандлик моддалари борлиги маълум бўлиб, улар холислар иштирокида олинган.
Айбланувчилар судда енгиллик сўраб, айбларини қисман тан олди. Уларнинг икки нафари 12 йилга, бири эса 11 йилга озодликдан маҳрум этилди.
Судда фуқаролардан бири қарорга эътироз билдирган. Бироқ эътироз бўйича далиллар билан тушунтириш берилган. Бунда суд ҳайъати кўрсатмаларни бир-бирига қарама-қарши ва воқеалар ривожига тўғри келмайдиган деб топган.
Мамлакатда 2025 йилда 19 мингга яқин киши қамалган бўлиб, гиёҳвандлик билан боғлиқ қонунбузарликлар энг кўп содир этилган жиноятлар қаторидан жой олган.
