Андижонда 17 ёшли мактаб ўқувчиси танишини пичоқлаб ўлдирди. Бу ҳақда Бош прокуратура матбуот котиби Ҳаёт Шамсуддинов хабар қилди.
Қайд этилишича, 2026 йил 6 февраль куни вилоятнинг Булоқбоши туманида 17 ёшли мактаб ўқувчиси таниши билан аввалроқ ўртасида юзага келган низо оқибатида жанжаллашиб, хўжалик пичоғи билан унга тан жароҳати етказган ҳолда уни қасддан ўлдирган.
Тармоқларда тарқалган хабарларда жабрланувчининг 19 ёшда экани айтилган.
Мазкур ҳолат юзасидан Жиноят кодексининг 97-моддаси (қасддан одам ўлдириш) билан жиноят иши қўзғатилган.
Вояга етмаган гумонланувчи шахс процессуал тартибда ушланган бўлиб, ҳозирда тергов ҳаракатлари олиб борилмоқда.
