Ўзбекистоннинг 8 та вилоятида давлат харидларида қонунбузарлик ҳолатлари аниқланди. Бу ҳақда Рақобат қўмитаси хабар қилди.
Қайд этилишича, Ўзбекистон маҳаллалари уюшмасининг Наманган вилояти, Мингбулоқ тумани бўлимининг 1 та 376 миллион сўмлик, Қашқадарё вилояти Ғузор туман ободонлаштириш бошқармасининг 1 та 1,2 миллиард сўмга яқин, “Шаҳрисабз туман йўллардан фойдаланиш” унитар корхонасининг 1 та 491 миллион сўмлик харидида ноқонуний ҳолатлар очиқланган.
Шу билан бирга қуйидаги ҳолатларда:
- Қорақалпоғистон Республикаси Шуманой тумани Ободонлаштириш бошқармасининг 1 та 28 миллион сўмлик;
- Нукус Мурувват аёллар учун интернат уйининг 1 та 893 миллион сўмлик;
- “Ўздаверлойиҳа” Давлат илмий-лойиҳалаш институти Қорақалпоғистон республикаси бўлинмасининг 1 та 1 миллиард сўмдан ортиқ;
- Самарқанд вилояти болалар кўп тармоқли тиббиёт марказининг 1 та 215 миллион сўмлик;
- Чиқинди полигонларини бошқариш дирексияси Сирдарё вилояти ҳудудий бошқармасининг 1 та 180 миллион сўмлик;
- Республика Суд тиббий экспертиза илмий амалий маркази Сурхондарё филиалининг 1 та 120 миллион сўмлик;
- Ангор туман мактабгача ва мактаб таълими бўлимининг 1 та 1.8 миллиард сўмга яқин;
- Термиз туман мактабгача ва мактаб таълими бўлимининг 1 та 50 миллион сўмлик;
- Республика Суд тиббий экспертиза илмий амалий маркази Сурхондарё филиалининг 1 та 120 миллион сўмлик;
- Ангор туман мактабгача ва мактаб таълими бўлимининг 1 та 1.8 миллиард сўмга яқин;
- Термиз туман мактабгача ва мактаб таълими бўлимининг 1 та 50 миллион сўмлик;
- Хива “Хива ихтисослаштирилган махсус интернат уйи”нинг 1 та 1,9 миллиард сўмлик;
- “Ўзбекистон технологик металлар комбинати” АЖнинг 3 та 1 миллиард сўмдан ортиқ давлат харидларида қонунбузилишлар аниқланган.
Бунда ушбу ташкилотлар “Рақобат тўғрисида”ги қонуннинг 29-моддаси талабларига риоя қилишмаган, яъни савдоларда рақобатни чеклайдиган ёки чеклашга олиб келиши мумкин бўлган ҳаракатлар амалга оширилган.
Буюртмачи ташкилотларга нисбатан ишлар қўзғатилиб, натижаси юзасидан белгиланган тартибда тегишли таъсир чоралари қўлланилди. Шунингдек, қонунбузилишларни бартараф этиш ва келгусида йўл қўймаслик бўйича бажарилиши мажбурий бўлган кўрсатмалар берилди.
