Ўзбекистонда 2025-йилнинг илк 11 ойида қанча “яшил” энергия ишлаб чиқарилгани маълум қилинди. Бу ҳақда Энергетика вазирлиги хабар қилди.
8 декабрь ҳолатига кўра, қуёш ва шамол электр станциялари томонидан ишлаб чиқарилган электр энергияси ҳажми 10 миллиард кВт/соатга етди. Гидроэлектр станцияларини қўшиб ҳисоблаганда ҳажм 16 миллиард кВт/соатни ташкил қилган. Мазкур ҳажмдаги электр энергияси 6,6 миллионта хонадоннинг бир йиллик истеъмолига тенг экани таъкидланди.
Бугунги кунда мамлакатда умумий қуввати 5 582 мегаватт бўлган қуёш ва шамол электр станциялари ишлаб турибди.“Яшил” энергия ҳисобидан 2,7 миллиард куб метр табиий газ тежалиб, атмосферага чиқиши мумкин бўлган 4,4 миллион тонна зарарли моддалар олди олинди.
