Хитойдаги Сичуань провинциясида палеонтологлар 200 миллион йиллик динозавр изларини топди. Бу ҳақда “Global Times” хабар берди.
Қоя деворида тадқиқотчилар 20 дан ортиқ динозавр изларини кўрган, уларнинг ҳақиқийлиги Хитой Геология фанлари университети доценти Син Лида бошчилигидаги илмий гуруҳ томонидан тасдиқланган.
Топилмалар орасида турли ўлчамдаги теропод излари – йиртқич динозаврлар қолдирган излар ҳамда инсон қўлига ўхшаш хиротерий типидаги излар бор.
Бундай излар дастлабки архозавр-рептилиялар томонидан қолдирилган деб ҳисобланади. Олимларнинг айтишича, камида тўртта қатламда излар сақланиб қолган. Бу эса динозаврлар ушбу ҳудудда узоқ вақт давомида яшаганини англатади.
Топилган излар ёнидан ёғоч қолдиқлари, қулаб тушган дарахт таналари ва тик ҳолда сақланган пнёклар ҳам аниқланган. Бу топилмалар 200 миллион йил аввалги экотизим ҳақида янада батафсил тасаввур беришга ёрдам беради.
Сичуань провинциясидаги Динозаврлар музейи тадқиқотчиси Тсян Шаннинг таъкидлашича, қоя деворида топилган излар Хитойда динозаврларнинг дастлабки эволюция тарихини яхшироқ тушунишга ёрдам беради.
