More stories
Ўзбекистонда наркологик касалликка чалинган шахсларни суд қарори асосида мажбурий даволаш учун мўлжалланган наркология муассасаларида жараённи ташкил этиш тартиби белгиланди. Бу ҳақда Адлия вазирлиги хабар қилди.
Қайд этилишича, беморлар муассасага қабул қилинган кундан эътиборан 5 кунлик муддатда мажбурий даволашнинг давомийлиги наркология муассасасининг раҳбари ҳамда 2 нафар нарколог шифокордан иборат тиббий комиссия томонидан белгиланади.
Бунда мажбурий даволаш муддати 18 ойдан кўп бўлиши мумкин эмас.
Беморлар даволов муддати тугагач ва уларнинг клиник ҳолатини ҳисобга олган ҳолда ёки тегишли муолажаларни ўтказишга тўсқинлик қиладиган қўшимча оғир касалликлар аниқланганда наркология муассасасидан чиқарилади.
