АҚШ ҳарбийлари тез орада Лотин Америкасидаги наркокартелларига қарши кураш доирасида ердаги нишонларга ҳаво ҳужумларини бошлашини эълон қилди.
Бу ҳақида АҚШ президенти Дональд Трамп Давлат департаментидаги тантанали қабул маросимида маълум қилди.
Унинг сўзларига кўра, Вашингтон бу масалада “жуда қаттиқ позиция” эгаллаган, натижада АҚШга денгиз орқали гиёҳванд моддалар етказиб бериш 94 фоизга камайган.
“Биз худди шу жараённи қуруқликда бошлаймиз, чунки биз ҳар бир йўналишни, ҳар бир бинони, уларнинг қаэрда яшашини биламиз. Биз улар ҳақида ҳамма нарсани биламиз”, деди Оқ уй раҳбари.
Маълумотларга кўра, ўтган йили АҚШда гиёҳванд моддаларни истеъмол қилиш оқибатида тахминан 300 000 киши ҳалок бўлган.
“Бу наркосавдогарларга қарши даҳшатли уруш ва биз уларнинг фаолияти давом этишига йўл қўймаймиз”, деб таъкидлади Трамп.
