Турнир тарихида илк бор 48 та терма жамоа иштирок этадиган 2026 йилнинг футбол бўйича Жаҳон чемпионати ғолиблигининг асосий даъвогари аниқланди. Opta суперкомпютери мусобақа олдидан иштирокчи жамоаларнинг ғолиб бўлиш эҳтимолини ўрганиб чиқди.
Суперкомпютер маълумотларига кўра, Испания терма жамоаси 2026 йилги жаҳон чемпионатида ғалаба қозониш учун асосий фаворит ҳисобланади. Луис де ла Фуэнте шогирдларининг чемпионлик имкониятлари 17% дея баҳоланган. Opta Францияга 14,1% имконият, Англияга эса 11,8% имконият беради. Амалдаги жаҳон чемпиони Аргентина эса 8,7% имкониятга эга деб баҳоланган.
Фабио Каннаваро бошчилигида ўзининг дебют мундиалида иштирок этадиган Ўзбекистон миллий терма жамоасининг имкониятлари эса 0.2 % дея баҳоланган.
Маълумот учун, мундиалга қуръа ташлаш маросими жорий йилнинг 5 декабрь куни АҚШ пойтахти Вашингтонда жойлашган “The Kennedy Center” мажмуасида ўтказилади. Ўзбекистон миллий терма жамоаси қуръада 3-саватчадан ўрин олади.
