Ҳиндистон пойтахти Нью-Деҳлининг жанубида жойлашган меҳмонхонада юз берган катта ёнғин оқибатида камида 13 нафар хорижлик фуқаро ҳалок бўлди. Улар орасида 1 нафар Ўзбекистон фуқароси ҳам бор. Бу ҳақда Ҳиндистон Ташқи ишлар вазирлиги вакили Рандхир Жайсвал ТАСС нашрига маълум қилди.
Унинг маълум қилишича, ҳалок бўлганлар орасида Мозамбикдан 1 киши, Нигериядан 4 киши, Қирғизистондан 3 киши, Ўзбекистондан 1 киши, Бангладешдан 1 киши, Либериядан 1 киши, Конгодан 1 киши ва Ироқдан 1 киши бор.
Шунингдек, 20 дан ортиқ хорижлик жароҳат олган. Ҳиндистон ҳукумати барча тегишли элчихоналар билан ҳамкорлик қилаётганини, жабрланганларга тиббий ёрдам кўрсатилаётганини ва зарур ҳужжатлар расмийлаштирилаётганини билдирган.
Аввалроқ, маҳаллий ОАВлар ҳалок бўлганлар сони 18 нафар хорижлик бўлиши мумкинлигини хабар қилган эди.
Ёнғин 3 июнь куни эрталаб меҳмонхонада бошланган, ҳодиса оқибатида жами 21 киши ҳалок бўлган ва 47 киши қутқарилган, ҳозирда ёнғин сабаблари текширилмоқда ва меҳмонхона эгаси ҳибсга олинган.
