Бугун, 20 апрель куни Тошкент шаҳридаги уйлардан бирида ёнғин чиқди. Бу ҳақда пойтахт Фавқулодда вазиятлар бош бошқармаси хабар берди.
Қайд этилишича, соат 16:14 да Олмазор тумани, Чувалачи кўчасида жойлашган шахсий хонадон ёнаётгани тўғрисида хабар тушган. Хабарга кўра, қутқарув экипажлари воқеа жойига соат 16:20 да етиб бориб, ҳозирда ёнғин ўчириш ишлари олиб борилмоқда.
Ёнғин оқибатида тан-жароҳати олганлар тўғрисида маълумот йўқ. Вазият Тошкент шаҳар ФВББ томонидан тўлиқ назоратга олинган. Қўшимча маълумот тақдим этилади.
