АҚШнинг Sportico нашри 2025 йилда энг кўп даромад қилган спортчилар рейтингини эълон қилди. Рейтингда Португалия терма жамоаси ҳамда Саудия Арабистонининг “Ан-Насср” клуби футболчи Криштиану Роналду етакчилик қилмоқда. Ҳужумчи 2025 йил давомида 260 миллион доллар даромад билан барча спортчилар орасида биринчи ўринни эгаллади.
Иккинчи поғонадан мексикалик чарм қўлқоп устаси Сауль “Канело” Алварес жой олди. Боксчи ўтган йили 137 миллион евро даромад қилган. Кучли учликни эса Аргентина терма жамоаси ҳамда АҚШнинг “Интер Майами” клуби ҳужумчиси Лионель Месси якунлаган — 130 миллион доллар.
2025 йилда энг кўп даромад топган топ-10 спортчи:
- Криштиану Роналду (футбол) — 260 млн доллар
- Сауль “Канело” Алварес (бокс) — 137 млн доллар
- Лионель Месси (футбол) — 130 млн доллар
- Хуан Сото (бейсбол) — 129,2 млн доллар
- Леброн Жеймс (баскетбол) — 128,7 млн доллар
- Карим Бензема (футбол) — 115 млн доллар
- Стивен Карри (баскетбол) — 105,4 млн доллар
- Сёҳей Отани (бейсбол) — 102,5 млн доллар
- Кевин Дюрант (баскетбол) — 100,8 млн доллар
- Жон Рам (голф) — 100,7 млн доллар
Қайд этиш жоиз, рўйхатдан 3 нафар футболчи ва 3 нафар баскетболчи жой олган. Шунингдек, рейтингда 2 нафар бейсболчи, биттадан голф устаси ва боксчи ҳам бор.
Маълумот ўрнида, Роналду ушбу рейтингда 2024 йилда ҳам етакчи бўлган. Ўшанда ҳам у худди шу миқдорда — 260 миллион доллар даромад билан етакчилик қилган. Иккинчи ўринни Стивен Карри (153,8 млн доллар), учинчи поғонани эса боксчи Тайсон Фьюри (147 млн доллар) эгаллаган эди.
