Францияда 2025 йил-якунлари сарҳисоб қилиниб, мамлакатнинг энг яхши спортчиси аниқланди. L’Equipe журналистлари хабарига кўра, овоз бериш натижаларига кўра биринчи ўриндан “ПСЖ” футболчиси Усмон Дембеле жой олган. Шунингдек, энг яхши 10 нафар француз спортчиси рўйхатидан Париж клуби яна бир вакили Дезире Дуэ ҳам жой олди.
Иккинчи поғонадан сузиш бўйича жаҳон чемпиони Леон Маршан жой олди. У 2025 йил Сингапурда ўтказилган жаҳон чемпионатида 200 метрга комплекс сузишда 1:52,69 натижа қайд этиб, янги жаҳон рекордини ўрнатган. Кучли учликни эса елканли спорт бўйича чемпион, 2025-йилги Магнус Олссон Prize мукофотини ҳам қўлга киритган Чарли Далин жой олди. Эътиборли томони шундаки, Франция терма жамоасининг етакчиси ва Мадриднинг “Реал” клуби юлдузи Килиан Мбаппе кучли ўнликдан жой олмади.
Франциянинг 2025 йилдаги энг яхши спортчилари рейтинги:
- Усмон Дембеле (футбол) — 803 очко
- Леон Маршан (сузиш) — 661 очко
- Чарли Далин (елканли спорт) — 380 очко
- Жимми Грессе (енгил атлетика) — 369 очко
- Максим Груссе (сузиш) — 232 очко
- Луи Бел-Бярри (регби) — 215 очко
- Томас Рамос (регби) — 83 очко
- Себастен Оже (ралли) — 82 очко
- Дезире Дуэ (футбол) — 71 очко
- Жоан-Бенжамен Габа (дзюдо) — 68 очко
Маълумот учун, 2025-йилда Дембеле “Олтин тўп” соҳибига айланди. У “ПСЖ” сафида Франция чемпионати ҳамда Европа Чемпионлар Лигасида ғалаба қозонди.
