More stories
Ўзбекистонга хориждан келтириладиган “кўз шох пардаси” биопротезларини тиббиёт муассасаларида қўллаш тартиби бўйича низом рўйхатдан ўтказилди. Бу ҳақда Адлия вазирлиги хабар қилди.
Қайд этилишича, трансплантация амалиётида фойдаланиладиган “кўз шох пардаси” биопротезлари фақат Вазирлар Маҳкамасининг тегишли қарорида кўрсатилган давлат тиббиёт муассасаларида қўлланади.
Уларни ташишда давлат шифохонасининг 1 нафар тиббиёт ходими масъул бўлади.
Чет давлатдан келтирилган биопротезлар 12 соат ичида давлат тиббиёт муассасаларига етказилиши шарт ва уларни ташиш фақат махсус совитиш ускуналарида амалга оширилади. Шунингдек, биопротезлар махсус шароитда 14 кундан ошмаган муддатда сақланади.
