Саудия Арабистонининг “Ан-Насср” клуби ҳамда Португалия терма жамоаси етакчиси Кристиану Роналду АҚШ президенти Дональд Трамп меҳмони бўлади. Mirror нашрининг хабар беришича, футболчи Оқ уйга расмий ташриф билан келади.
Ҳужумчи 18 ноябрь, сешанба куни Оқ уйда Саудия Арабистонининг валиаҳд шаҳзодаси Муҳаммад бин Салмонга ҳамроҳлик қилади. Трамп шаҳзода билан учрашгач, португалиялик спортчи ҳам суҳбатлашади.
Роналду яқинда АҚШ президентига имзоси туширилган либосини совға қилган эди. Шунингдек, португалиялик ҳужумчи Пирс Морган билан суҳбатда Дональд Трамп ўзи учрашмоқчи бўлган энг муҳим шахслардан бири эканлигини айтган.
Португалиялик журналистларнинг хабар беришича, Роналду Оқ уй раҳбари билан Жаҳон чемпионати олдидан АҚШ терма жамоаси ҳамда Португалия ўртасида ўртоқлик ўйинни ташкил этиш масаласини муҳокама қилади. Шунингдек, томонлар 2026-йилги Жаҳон чемпионатини ўтказиш борасида бир қанча нарсаларни муҳокама қилади.
Эслатиб ўтамиз, 2026-йилги Жаҳон чемпионати 11 июндан 19 июлгача АҚШ, Канада ва Мексикада ўтказилади. Португалия терма жамоаси мусобақанинг финал босқичига йўлланмани қўлга киритган.
