Кеча, 13 ноябрь оқшомида Франция терма жамоаси Жаҳон чемпионати саралаш босқичида Украинани 4:0 ҳисобида мағлуб этиб, кетма-кет саккизинчи бор мундиал йўлланмасини қўлга киритди.
Учрашувнинг дастлабки дақиқаларидан бошлаб французлар ташаббусни ўз қўлига олди. Биринчи бўлимда Майкл Олисе, Раян Черки ва Ману Коне бир нечта хавфли вазиятлар яратишга муваффақ бўлди, бироқ дастлабки бўлимда ҳисоб очилмади.
Иккинчи бўлим бошида майдон эгаларининг фаоллиги натижа беришни бошлади. Михавконинг Олисега қилган қўпол ҳаракати учун белгиланган пенальтини 55-дақиқада Мбаппе голга айлантирди.
Захирадан майдонга тушган Юго Экитике ва Манес Аклиуш ўйинга фаол қўшилиб, голларда иштирок этди. Учрашувнинг 76-дақиқасида Олисе Н’Голо Кантенинг нозик узатмасидан кейин ҳисобни 2:0 кўринишига олиб келган бўлса, орадан 7 дақиқа ўтиб Мбаппе ўзини дублини нишонлади. 88-дақиқага келиб Экитикенинг голидан сўнг французлар ўйин тақдирини бутунлай ҳал қилди.
Бу ғалаба Францияга гуруҳда биринчи ўринни таъминлади. Украиналиклар ҳозирча тўплар фарқи бўйича Исландиядан устун бўлиб, иккинчи ўрин ва плей-офф учун курашни давом эттирмоқда. Шу тариқа, ЖЧга йўл олган жамоалар сони 29 тага етди. Яна 19 та йўлланма қолди
