Англия Лига Кубоги ярим финалидан ўрин олган “Манчестер Сити” ҳамда “Ньюкасл” ўртасидаги баҳс якунланди. Ньюкаслдаги “Сен-Жеймс Парк” стадионида ўтган ўйинда “шаҳарликлар” ғалаба қозонди.
Учрашувдаги ҳисоб 53-дақиқада Антонио Семеньо томонидан очилди. 90+9-дақиқада Райан Шерки иккинчи голни уриб, учрашувга якуний нуқтани қўйди — 0:2. Мазкур ҳисоб ўйин якунига қадар ўзгармади.
Ўзбекистон терма жамоаси ҳимоячиси Абдуқодир Ҳусанов баҳсни асосий таркибда бошлади ва тўлиқ ҳаракат қилди.
2026 йилда “Манчестер Сити” сафига қўшилган Семеньо кетма-кет иккинчи учрашувда рақиб дарвозасини ишғол этди ва ўйиннинг энг яхси футболчиси деб топилди. Бунга қадар 26 ёшли ганалик футболчи Англия Кубоги 3-босқичидан ўрин олган “Манчестер Сити” — “Ekseter Сити” учрашувида гол ва ассист қайд этган эди.
Жамоалар ўртасидаги жавоб учрашуви 5 февраль куни Манчестер шаҳридаги “Etihad” стадионида бўлиб ўтади.
Ярим финалнинг иккинчи баҳси “Челси” ва “Арсенал” ўртасида кичади. Ўйин 15 январга ўтар кечаси Тошкент вақти билан соат 01:00 да Лондон шаҳридаги “Стемфорд Бриж” стадионида старт олади.
Англия Лига Кубоги
Ярим финал, дастлабки ўйин
“Ньюкасл” — “Манчестер Сити” 0:2
Голлар: 0:1 — Семенё (53), 0:2 — Шерки (90+9)
