Италиянинг “Наполи” клуби ярим ҳимоячиси Кевин Де Брёйне мушакларидаги оғир жароҳат сабаб йил охиригача сафдан чиқди. Бельгиялик футболчининг ўнг сонидаги мушакларида “юқори даражадаги ёрилиш” аниқланган. Бу ҳақда клуб матбуот хизмати хабар берди.
Де Брёйне “Наполи”нинг “Интер”га қарши учрашувида жароҳат олиб, ўйиннинг биринчи бўлимидаёқ тиббий ходимлари ёрдамида майдонни тарк этган. Шифокорлар томонидан ўтказилган текширув натижасида 34 ёшли футболчининг сон мушаклари жиддий шикастлангани маълум бўлган. Қайд этилишича, Де Брёйне аллақачон реабилитация жараёнини бошлаган.
Бельгиялик футболчи 2023 йил ёзида ўнг сон пайидаги муаммони бартараф этиш учун жарроҳлик амалиётини ўтказган эди. Шунга қарамай, эски жароҳат энди яна қайталагани бўлиши мумкин.
Италияга келганидан бери Де Брёйне “Наполи” сафида олтита ўйинда майдонга тушиб, тўртта гол, урган уларнинг учтасини эса пенальтидан киритган. Энди эса футболчи жамоасининг муҳим А Серия ва Европа Чемпионлар лигаси ўйинларини ўтказиб юборади.
Маълумот учун, Кевин Де Брёйне 2025 йил ёзида Англиянинг “Манчестер Сити” жамоасини эркин агент сифатида тарк этиб, Италиядаги “Наполи” клубига қўшилган.
