Сербия президенти Александр Вучич Россияга қарши санкцияларга қўшилмасликка кафолат бермаслигини айтди. Бу ҳақда Тhе Моscоw Times хабар берди.
Сербия Украинага қарши уруш бошланганида Россия босқинини қоралаган, аммо Москвага қарши санксиялар жорий этмаганди. Вучичнинг фикрича, ушбу сиёсий йўналиш “вақт синовидан ўтган”, бироқ бу келажакда уни қайта кўриб чиқилмаслигини англатмайди.
More stories“Ҳам Миллий хавфсизлик кенгаши, ҳам ҳукумат бу қарорни ўзгартириши мумкин. Менимча, Сербиянинг Европа йўлида илгарилаб бориши учун барча имкониятлардан фойдаланиш муҳим”, дея таъкидлади Вучич.
У ўзининг “Россияга қарши санксиялар бўйича фикрини осонликча ўзгартириш учун жуда кексалигини” айтди. У бошқа ваколатли органлар бу муаммога дуч келмаслиги учун Украинадаги уруш тезроқ тугашига умид билдирди.
Октябрь ойида Вучич Россияга қарши санкциялардан воз кечиш Сербияни Европа Иттифоқига аъзоликдан узоқлаштираётган асосий сабаблигини айтган эди. Бундан бир ой олдин у Россия президенти Владимир Путин билан учрашувда республика “бетарафликни сақлаб қолишини” таъкидлаган.
22 октябрь куни Европарламент резолюция қабул қилди. Унда Сербиядан ўз ташқи сиёсатини Европа Иттифоқи йўналишига тўлиқ мослаштиришни, жумладан, Россияга қарши санкцияларга қўшилишни талаб қилди. Бундан бир ҳафта олдин эса Еврокомиссия раиси Урсула фон дер Ляйен Белградга ташриф буюрди. У Москвага қарши чекловлар киритилмаса, Сербиянинг Европа Иттифоқига йўли ёпилишини таъкидлаган. Чунки Брюссел республикани “ишончли ҳамкор” сифатида қабул қила олмаслигини билдирган.
Сербия 2009 йилда Европа Иттифоқига аъзо бўлиш учун ариза топширган, 2012 йилда номзод мақомини олган ва 2013 йилда қўшилиш бўйича музокараларни бошлаган эди. Вучич Урсула фон дер Ляйен билан учрашувда Европа Иттифоқига аъзолик ҳукуматнинг стратегик танлови ва ташқи сиёсатининг устувор йўналиши бўлиб қолишини таъкидлаган.
“Бу ҳеч бўлмаганда кейинги сайловларгача ўзгармайди, ишончим комилки, улардан кейин ҳам шундай бўлади”, деган у.
