Тошкент вилоятида 2025-йилда сувдан қарздор фуқаролардан 19 миллиард сўмдан кўпроқ маблағ ундирилди. Бу ҳақда Бош прокуратура матбуот хизмати хабар қилди.
Жорий йилнинг ўтган даврида жисмоний ва юридик шахслардан шундай қарздорликни ундириш бўйича жами 7 312 та ижро ҳужжати МИБга келиб тушган. Шундан 5 942 таси тугатилиб, 19,2 миллиард сўм қарздорлик амалда ундирилди.
Ҳозирда 1 370 та ҳужжат ижросини таъминлаш ҳаракатлари олиб борилмоқда, шунингдек, 551 та ижро иши бўйича ундирув қарздорларнинг иш ҳақига қаратилган.
- Бухорода қарздорлик сабаб 2025-йилда қиймати 500 миллиард сўмдан ортиқ мулк аукционга чиқарилганди. Сотилган 272 та мулк ҳисобидан 50 миллиард сўм пул банкларга ўтказиб берилган.
- Қашқадарёда жорий йилда 4,1 миллиард сўмлик жиноий жарималар билан боғлиқ ишлар якунланган. Бунда йил давомида Мажбурий ижро бюросига 902 мингга яқин 6,7 триллион сўмлик ишлар келиб тушган.
