Мадриднинг “Реал” клуби ҳужумчиси Килиан Мбаппе Испания чемпионатининг 17-туридан ўрин олган “Севилья”га қарши учрашувда (2:0) гол урди ва 2013-йилда Роналду томонидан ўрнатилган рекордини (бир календарь йил ичида киритилган голлар, 59 та гол) такрорлади.
Футболчи ўйиндан кейинги матбуот анжуманида ушбу ютуғини португалиялик футболчига бағишлаб, уни ўзининг дўсти ва кумири деб атади:
“Бу ақл бовар қилмас ҳолат. ‘Реал’даги илк мавсумимдаёқ Криштиану эришган натижани такрорлай олдим. У — менинг кумирим ва бу клуб тарихидаги энг буюк футболчи. Голни нишонлашим ҳам айнан унинг шарафига бағишланди. Унга миннатдорчилик билдирмоқчиман, чунки Роналду бу ерга мослашишимда ёрдам берган. Энди эса мен ҳам голларим билан ‘Реал’нинг ғалабаларига ҳисса қўшяпман. Қувончимни у билан бўлишишни истадим. Криштиану билан муносабатларимиз жуда яхши, у менинг дўстим. Шунингдек, унга ва барча ‘Реал’ мухлисларини Янги йил байрамо билан табриклайман”, деди Мбаппе ўзининг Instagram саҳифасида.
Маълумот учун, Мбаппе 2024-йилнинг ёзида Франциянинг “Пари Сен-Жермен” клубидан “Реал”га кўчиб ўтган эди. Футболчи жорий мавсум мадридликлар сафида 29 та учрашувда иштирок этиб, ўз ҳисобига 29 та гол ҳамда 5 та голли узатмага муаллифлик қилган.
