Испания Ла Лигасининг 10-туридан ўрин олган “Реал Мадрид” ҳамда “Барселона” ўртасидаги баҳс якунига етди. “Сантяго Бернабеу” стадионида ўтган беллашувда “қироллик клуби” 2:1 ҳисобида ғалаба қозонди.
Учрашув юқори суръатларда бошланди. 12-дақиқада Килиан Мбаппенинг голи офсайд туфайли VAR орқали бекор қилинди. Шунга қарамай, 22-дақиқада франциялик ҳужумчи ўз имкониятидан фойдаланди. Килиан Жуд Беллингемнинг узатмасидан сўнг ҳисобни очди — 1:0.
“Барселона” бу голга тезда жавоб қайтарди. 38-дақиқада 22 ёшли ярим ҳимоячи Фермин Лопес Маркус Рэшфорднинг пасидан сўнг ҳисобни тенглаштирди — 1:1. Бироқ орадан кўп ўтмай, “қаймоқранглилар” яна олдинга чиқиб олди. 43-дақиқада Жуд Беллингем Эдер Милитаонинг узатмасидан сўнг дарвозани аниқ нишонга олди — 2:1.
Иккинчи бўлимда “Реал” Мбаппе пенальти орқали ҳисобни фарқни янада ошириши мумкин эди. Бироқ франциялик ҳужумчи 11 метрлик жарима зарбасидан унумли фойдалана олмади.
Мазкур ҳисоб ўйин якунига қадар ўзгармади ва “Реал” 10-турда ғалаба қозониб, муҳим 3 очкони қўлга киритди. Ҳозирда “қироллик клуби” 27 очко билан турнир жадвалининг биринчи поғонасидан жой олган. 22 очкоси бор “Барселона” эса 2-ўринни эгаллаб турибди.
Испания Ла Лигаси10-тур
“Реал Мадрид” — “Барселона” 2:1
Голлар: 1:0 — Мбаппе (22), 1:1 — Фермин (38), 2:1 — Беллингем (43)
