Англиянинг “Ливерпуль” клуби ҳужумчиси Муҳаммад Салоҳ фаолиятини Испания Ла Лигасида давом эттириши мумкин. Fichajes нашри хабарига кўра, футболчига “Реал Мадрид” жиддий қизиқиш билдирмоқда.
Унга кўра, “қироллик клуби” мисрлик вингернинг атрофидаги вазиятни жиддий кузатиб турибди. Чунки Салоҳнинг охирги интервьюси кўплаб муҳокамаларга сабаб бўлди. Футболчи Англия Премьер Лигаси 15-тури доирасидан ўрин олган “Лидс”га (3:3) қарши учрашувдан кейин жамоадан кетмоқчи эканлигини айтди.
“Реал” эса ушбу ҳолат ортидан Салоҳга таклиф тайёрламоқда. Мадридликлар Родригони мисрлик футболчи билан алмаштириш вариантини кўриб чиқмоқчи. “Ливерпуль” узоқ вақтдан бери бразилиялик вингерни ўз сафига қўшиб олишга ҳаракат қилиб келмоқда. Шу боис мерсисайдликлар “қироллик клуби”нинг таклифини қабул қилиш эҳтимоли юқори.
