Кеча, 7 декабрга ўтар кечаси Россия Украинага кенг кўламли ракета-дрон ҳужуми уюштирди.
Украина ҳаво кучларининг шанба куни эрталаб берган маълумотига кўра, Россия армияси 653 та дрон, 51 та ракета, 3 та «Кинжал» ракетаси ва 14 та Искандер-М/КН-23 баллистик ракетаси билан зарба берган. Ҳужум Украина Қуролли Кучлари куни нишонланган пайтга тўғри келган.
Украина ҳаво кучлари мудофаа бўлинмалари 585 та дрон ва 30 та ракетани уриб туширган ёки нейтраллаштирганини билдирди. Ҳужумлар жами 29 та объектни нишонга олган.
Украина ички ишлар вазири Игор Клименконинг маълумотига кўра, кенг кўламли зарбалар оқибатида камида саккиз киши жароҳат олган.
Маҳаллий ҳокимиятлар хабарига кўра, Kiev вилоятида камида уч киши жароҳатланган, дронлар эса ҳатто мамлакатнинг ғарбий қисмига — Лвов вилоятигача етиб борган.
