“Интер Майами” MLS Кубоги финалида “Ванкувер” устидан 3:1 ҳисобида зафар қучди ва мусобақа ғолибига айланди. Маямиликлар сардори Лионель Месси учрашувда иккита голли узатмани амалга оширди.
Месси ушбу натижа эвазига фаолиятидаги 48-совринига эга чиқди ва ўз рекордини янгилаган ҳолда дунёнинг энг совриндор футболчиси бўлиб турибди.
Аргентина терма жамоаси футболчиси клуб даражасида аввал “Барселона” ва “ПСЖ” сафида ўйнаган. У 2023 йилдан буён “Интер Майами” шарафини ҳимоя қилиб келмоқда.
Месси фаолияти давомида қуйидаги совринларни қўлга киритган:
- Ла Лига (10 марта)
- Чемпионлар Лигаси (4 марта)
- Испания Суперкубоги (8 марта)
- Испания Кубоги (7 марта)
- Клублар ўртасидаги Жаҳон чемпионати (3 марта)
- Европа Суперкубоги (3 марта)
- Франция чемпионати (2 марта)
- Франция Суперкубоги (1 марта)
- MLS Кубоги (1 марта)
- Лига Кубоги (1 марта)
- MLS мунтазам чемпионати (1 марта)
- КОНКАКАФ Чемпионлар Лигаси (1 марта)
- Олимпия ўйинлари (1 марта)
- Америка Кубоги (2 марта)
- Финалиссима (1 марта)
- Жаҳон чемпионати (1 марта)
Маълумот учун, “Интер Майами” илк бор MLS Кубогида ғалаба қозонди. Бу клуб тарихидаги учинчи соврин. Месси жамоага келишидан аввал клуб ҳеч қандай расмий турнирда ғалаба қозонмаган.
