“Челси”нинг собиқ бразилиялик футболчиси Оскар кутилмаганда фаолиятини якунлаши мумкин. Бразилиянинг “Сан-Паулу” жамоасида фаолият олиб бораётган 34 ёшли футболчида тиббий текширувлар пайти юрак муаммоси аниқланди. Бу ҳақда “Globo” хабар берди.
Ҳодиса Сан-Паулуда тиббий кўриклар вақтида юз берган. Стандарт кўриклар давомида футболчи ўзини ёмон ҳис қилган ва ҳатто ҳушини йўқотган. Футболчига дарҳол клуб тиббиёт ходимлари томонидан биринчи ёрдам кўрсатилган ва барқарорлашганидан сўнг у тез ёрдам машинасида Эйнштейн Исроилита шифохонасига етказилган.
“Сан-Паулу” клуби томонидан эълон қилинган расмий баёнотга кўра, футболчининг ҳолати барқарор ва у кейинги тестлардан ўтишда давом этмоқда, футболчининг ташхиси аниқлангунга қадар кузатув остида бўлади. Клуб мутахассислари футболчининг шахсий ҳаётига ҳурмат билан ёндашган ҳолда, тиббий янгиланишлар тақдим этилганида қўшимча маълумот берилишини билдирди.
Шу сабабли, Оскар футболчилик фаолиятини якунлаш эҳтимоли мавжуд. У ҳозир “Сан-Паулу” билан 2027 йил декабригача амал қиладиган шартномага эга, аммо соғлиги туфайли клуб билан келажакдаги ҳамкорлиги қайта кўриб чиқилиши мумкин.
Маълумот учун, Оскар 2012–2017 йилларда оралиғида Англиянинг “Челси” жамоаси сафида фаолият олиб борган. У Бразилия терма жамоаси билан 2013 йил Конфедерациялар кубоги ва 2014 йил Жаҳон чемпионатида иштирок этган.
