Лондоннинг “Челси” клуби ҳужумкор ярим ҳимоячиси Коул Палмер жамоада ўзини ноқулай ҳис қилмоқда. Бу ҳақда ТЕАМtalk нашри хабар берди.
Манбага кўра, “кўклар” раҳбарияти Палмерни жамоанинг “тегиб бўлмас” футболчиларидан бири деб ҳисоблайди. Бироқ футболчининг ўзи клубнинг амалдаги лойиҳасига шубҳа билан қарамоқда. Қайд этилишича, Палмернинг “Челси”нинг собиқ бош мураббийи Энсо Мареска билан илиқ муносабатда бўлган. Италиялик мутахассис истеъфога чиқарилгач, ярим ҳимоячи клубда барқарор, Англия чемпионлиги учун кураша оладиган ва халқаро майдонда яхши натижалар кўрсата оладиган жамоа шаклланмаётганидан хавотирланмоқда.
Аввалроқ оммавий ахборот воситалари “Манчестер Юнайтед” Палмерга қизиқиш билдираётгани ҳақида хабар берган эди. Унга кўра, “қизил иблислар” Палмер туғилиб ўсган шаҳри — Манчестерга қайтишни истамоқда. Мазкур хабарлар фонида уни “қизил иблислар” сотиб олмоқчи эканлиги ҳақида маълумотлар тарқалди
Маълумот учун, Коул Палмер 2023 йилдан буён “Челси” сафида тўп суриб келмоқда. Жорий мавсумда футболчи барча мусобақалар доирасида 13 та учрашувда майдонга тушиб, 5 та гол муаллифига айланган. Футболчининг клуб билан амалдаги шартномаси 2033 йил ёзига қадар мўлжалланган. Transfermarkt порталига кўра, Палмернинг бозор қиймати 120 миллион еврони ташкил этади.
