Бугун, 30 август куни тонгда Тошкент вилоятининг Олмалиқ шаҳридаги деҳқон бозорига ўт кетди. Бу ҳақда вилоят Фавқулодда вазиятлар бош бошқармаси хабар берди.
Маълум қилинишича, ҳодиса соат 05:18 да Тошкент вилояти Олмалиқ шаҳар “Ҳамза” МФЙ ҳудудида жойлашган “Ойдин деҳқон бозори”да содир бўлган. Қайд этилишича, ёнғин содир бўлаётгани тўғрисида ўша вақтда Тошкент вилояти ФВББга хабар келиб тушган.
Хабарга асосан, ёнғин-қутқарув бўлинмалари воқеа жойига етиб бориб, ёнғин қуршаб олинган ва соат 07:12 да ўчирилган. Ҳодиса оқибатида тан жароҳати олганлар ҳақида маълумот келиб тушмаган.
Билдирилишича, ҳозирда ёнғин сабаби ва зарари аниқланмоқда.
