Тошкент шаҳрида Ўзбекистон, Габон, Венесуэла ҳамда Тринидан ва Тобаго терма жамоалари иштирокидаги FIFA Series халқаро турнири 2-тур ўйинларига старт берилди. 30 март, душанба куни мусобақа ғолиблиги учун Ўзбекистон ва Венесуэла ўртасидаги баҳс бўлиб ўтди. “Бунёдкор” стадионидаги учрашувда Фабио Каннаваро шогирдлари пенальтилар сериясида 5:4 ҳисобида зафар қучди. Асосий вақт 0:0 ҳисобида якунланди
Учрашув биринчи бўлимида Ўзбекистон рақибга нисбатан кўпроқ хавфли ҳужумлар ташкил этди, бироқ, ҳисоб очилмади.
Иккинчи бўлим тенг курашлар остида кечди, дарвозалар олдида бир қатор хавфли ҳужумлар ташкил этилди. Бироқ ўйинда ҳисоб очилмади. Пенальтилар сериясида 5:4 ҳисобида Ўзбекистон терма жамоаси ғалаба қозонди.
Ҳар икки жамоа биринчи турда ғалаба қозонгани сабабли, мазкур беллашувда ғалаба қозонган жамоа турнир голиби деб топилди. Мусобақа регламентига кўра, ўйинлар дуранг натижа билан якунланса, пенальтилар серияси ташкил этилиши белгиланган.
Гуруҳдаги иккинчи баҳсда Габон пенальтилар сериясида Тринидад ва Тобаго устидан 3:2 ҳисобида устун келди. Учрашув асосий вақти 2:2 ҳисобида якунланди.
FIFA Series
2-тур
Ўзбекистон — Венесуэла 0:0
Пенальтилар серияси — 5:4
