Юкларни сақлашга ихтисослашган Radical Storage компанияси дунёнинг энг ифлосланган сайёҳлик шаҳарлари антирейтингини эълон қилди.
Рўйхатни Венгрия пойтахти Будапешт бошқармоқда. Шаҳарнинг чиқиндилардан тозалаш тизими сайёҳларни қониқтирмади: уларнинг 37,9 фоизи Будапешт ҳақида салбий муносабат билдирди.
Иккинчи ўринда — Рим, келган меҳмонларнинг 35,7 фоизи «абадий шаҳар»нинг тозалиги рисоладагидек эмаслигидан шикоят қилган. Лас-Вегас (АҚШ) ушбу рўйхатда учинчи ўринда (31,6 фоиз).
Энг ифлосланган сайёҳлик шаҳарлари ўнталигига қуйидаги шаҳарлар ҳам кирди:
- Флоренция (Италия)
- Париж (Франция)
- Милан (Италия)
- Верона (Италия)
- Франкфурт (Германия)
- Брюссел (Белгия)
- Қоҳира (Миср).
