Бангладеш марказида йўловчи автобуси Падма дарёсига қулаши оқибатида камида 18 киши ҳалок бўлди. Бу ҳақда “The Daily Star” хабар берди.
Маълум бўлишича, йўловчиларни олиб кетаётган автобус паромга чиқаётганда, дарёга қулаб тушган. Унда тахминан 40 киши бўлган. 11 йўловчи қирғоққа мустақил равишда чиқишга муваффақ бўлган.
Қутқарувчилар автобусни бахтсиз ҳодисадан олти соат ўтгач, дарё ўзанидан олиб чиқишган. Бангладеш ёнғин хизмати ва фуқаролик мудофааси маълумотларига кўра, автобус ичидан 23 кишининг жасади топилган. Улардан 11 нафари аёл, 7 нафари эркак ва 5 нафари болалар бўлганлиги аниқланган.
Туман маъмурияти бахтсиз ҳодиса сабабини текшириш учун 5 кишидан иборат қўмита тузган.
