Бугун, 17 апрель куни Туркиянинг Адана шаҳри Сариқҳамзали маҳалласида жойлашган чиқиндини қайта ишлаш заводида кучли ёнғин чиқди. Бу ҳақда TRT хабар берди.
Маълумотларга кўра, эрталаб бошланган ёнғин бир неча соат давом этган ва ҳудудни қуюқ тутун қоплаган. Қисқа вақт ичида кучайган аланга заводнинг катта қисмини қамраб олган.
Ёнғин вақтида портлаш овозига ўхшаш товушлар эшитилгани айтилмоқда. Ҳодиса жойига кўплаб ўт ўчириш, полиция ва тез тиббий ёрдам гуруҳлари юборилган.
Полиция ходимлари ҳудудда хавфсизлик чораларини кўриб, фуқароларни воқеа жойидан эвакуация қилган. Ёнғин сабаби ҳозирча номаълумлигича қолмоқда.
