Ижтимоий тармоқларда Бувайда тумани Найман қишлоғида зовур атрофидаги дарахтлар ноқонуний равишда кесилаётгани ҳақидаги хабарларга вилоят экология бошқармаси расмий муносабат билдирди.
Қайд этилишича, туманнинг “Найман” МФЙ ҳудудидаги зовур муҳофаза майдонида “Маслаҳат” МФЙ Чиркай қишлоғида яшовчи фуқаро С.З. томонидан жами 26 туп дарахт қонунга хилоф равишда кесиб ташланган.
Фуқарога нисбатан Маъмурий жавобгарлик тўғрисидаги кодексининг тегишли моддаси билан баённома расмийлаштирилиб, БҲМнинг 25 баробари, яъни 10 300 000 сўм жарима тайинланган.
Ушбу шахс томонидан табиатга 45 891 600 сўм ўсимлик зарар етказилгани маълум бўлди. Ҳолат юзасидан қўшимча чора-тадбирлар белгиланган.
