Франциянинг Ўзбекистондаги элчиси Уалид Фук Тошкент шаҳрида Францияга бориш учун барча виза аризаларни қабул қилишга масъул янги марказни тантанали равишда очди. Бу ҳақда мамлакатнинг Ўзбекистондаги элчихонаси хабар берди.
Маълум қилинишича, эндиликда виза учун ариза топшириш ва ҳужжатларни қабул қилиш фақат TLSContact маркази орқали амалга оширилади. Бу хизмат кўрсатиш сифатини янада оширишга қаратилган.
“TLSContact марказининг очилиши мамлакатларимиз ўртасидаги алоқалар мустаҳкамланаётганининг яна бир ифодасидир”, дейилади хабарда.
