АС нашрининг хабар беришича, “Реал Мадрид” ҳозирда янги бош мураббий Жозе Моуринога мос келмайдиган футболчиларни таркибдан “тозалаш” учун учта трансферни амалга оширишга ҳаракат қилмоқда.
Манбага кўра, “Реал Мадрид” ҳимоячи Рауль Асенсио ҳамда ҳужумкор ўйинчилар Гонсало Гарсия ва Франко Мастантуоно билан хайрлашиш ниятида.
Асенсио вазиятни ўзгартиришга ва клубда қолишга ҳаракат қилаётгани айтилмоқда, аммо бу вариант қийин деб ҳисобланяпти. Агент Хорхе Мендеш аллақачон ҳимоячи учун янги клуб қидирмоқда, Гарсия ва Мастантуоно эса яқин кунларда клубни тарк этишларини билишади.
Бундан ташқари, ярим ҳимоячилар Браҳим Диас ва Эдуардо Камавинга ҳам Моуринонинг келгуси мавсум учун режаларида йўқ, аммо уларнинг келажаги ҳозирда Мадрид клуби билан боғлиқ. Чунки футболчиларнинг ўзлари таркибдаги ўринлари учун курашишларини маълум қилишган.
