Германия канцлери Фридрих Мерс Исроилга ташрифи бошланишидан олдин Фаластин президенти Маҳмуд Аббос билан телефон орқали суҳбатлашди. Улар Яқин Шарқни тартибга солиш истиқболларини муҳокама қилишган. ГФР ҳукумати расмий вакили Штефан Корнелиуснинг журналистларга маълум қилишича, суҳбат “дўстона муҳитда” ўтган.
“Канцлер АҚШ президенти Дональд Трампнинг тинчлик режасини қўллаб-қувватлашини билдирди ва Фаластин миллий маъмуриятининг бу масаладаги конструктив позициясини олқишлади”, деди ҳукумат вакили.
Мерснинг фикрича, Фаластин ма`мурияти “энди зарур ислоҳотларни зудлик билан амалга оширишга киришиши керак”. Унинг таъкидлашича, “агар ислоҳотлар муваффақиятли бўлса, Фаластин урушдан кейинги қурилишда ҳам конструктив рол ўйнаши мумкин”.
“Мақсад икки давлат тузиш асосида ечимга эришиш бўлиши лозим. Бундай истиқбол исроилликлар ва фаластинликлар учун узоқ муддатли тинчлик ва хавфсизликни таъминлашда энг яхши имкониятларни яратади”, дейди Мерс.
