Ўзбекистонда содир этган жинояти учун 19 йилдан буён қидирувда бўлган аёл Туркияда қўлга тушди. Бу ҳақда Ички ишлар вазирлиги хабар қилди.
Қайд этилишича, ушбу шахс Жиноят кодексининг 244-1-моддаси 2-қисмидаги, яъни жамоат хавфсизлиги ва жамоат тартибига таҳдид соладиган материалларни тайёрлаш, сақлаш, тарқатиш ёки намойиш этишни назарда тутувчи ҳаракатни содир этгани учун 2006-йилдан буён қидирувда бўлган.
1962-йилда туғилган фуқаро А.Д. олиб борилган тезкор-қидирув тадбирлари натижасида Туркиянинг Истанбул шаҳрида яшириниб юргани аниқланиб, қўлга олинди ва Ўзбекистонга экстрадиция қилинди.
