Фарғона вилояти Қувасой шаҳрида ўтказилган тезкор тадбирда 1952 йилда туғилган аёлнинг хонадонидан гашиш гиёҳвандлик моддаси аниқланиб, мусодара қилинди. Бу ҳақда вилоят ИИБ ахборот хизмати хабар берди.
Қайд этилишича, 8 апрель куни Ички ишлар бошқармаси ва Давлат хавфсизлик хизмати ходимлари ҳамкорлигида шаҳардаги “Қўчқорчи” маҳалласида тезкор тадбир ўтказилган. Унда 74 ёшли аёлнинг хонадони томорқа қисмида гиёҳвандлик моддалари сақланаётгани аниқланган.
Текширув давомида оғирлиги 1 кило бўлган гашиш моддаси топилиб, ашёвий далил сифатида расмийлаштирилган. Ҳолат юзасидан терговга қадар текширув ҳаракатлари олиб борилмоқда.
Ички ишлар бошқармаси фуқароларни гиёҳванд моддаларни сақлаш, сотиш ва тарқатиш жиноят эканини эслатиб, бундай ҳолатлардан огоҳ бўлишга чақирди.
