Америкалик тадбиркор Илон Маскнинг отаси Эррол Маск америкалик молиячи Жеффри Эпштейн ўлмаганини, у ҳануз тириклигини иддао қилмоқда. Бу ҳақда у РИА Новости нашрига берган интервьюсида маълум қилди.
Эррол Маск Эпштейннинг ўлими ҳақидаги расмий маълумотларга шубҳа билан қарашини билдириб, жасад топилган вазиятга эътибор қаратган. Маскнинг айтишича, ҳодиса содир бўлган пайтда кузатув камералари ўчирилган ва қамоқхона ходимлари ухлаётган бўлган.
“У аниқ тирик. Эпштейн ўлмаган. Бу борада ҳеч қандай шубҳам йўқ… Менинг назаримда, у ҳатто энг кичик эҳтимол билан ҳам ўлмаган”, деган Маск.
АҚШ адлия вазирлиги маълумотларига кўра, Эпштейн сақланган қамоқхонанинг кузатув камерасида 23:58:58 дан 00:00:00 гача 62 сониялик бўшлиқ мавжуд. Бу эски видеоёзув тизимининг ҳар куни автоматик равишда қайта ишга туширилиши билан изоҳланган.
