Ўзбекистон Марокаш, Тунис, Миср, Жазоир, Саудия Арабистони, Қатар, Мўғулистон давлатлари бир тарафлама ўрнатилган импорт божлари бекор қилинади. Бу ҳақда “Қурилиш материаллари саноатини ривожлантириш чора-тадбирлари тўғрисид”ги президент қарорида кўзда тутилган.
Ҳужжатга кўра, Инвестициялар, саноат ва савдо вазирлиги Савдо-саноат палатаси, Божхона қўмитаси ва Ташқи ишлар вазирлиги билан биргаликда икки ой муддатда мазкур давлатлар билан бир тарафлама ўрнатилган импорт божларини бекор қилиш ва маҳсулотлар келиб чиқиши тўғрисидаги сертификатларни (cертифиcате оф оригин) икки тарафлама ўзаро тан олиш амалиётини йўлга қўйиш бўйича 2027-йилгача мўлжалланган чора-тадбирлар дастурини ишлаб чиқиб, амалга оширади.
Марокаш, Тунис, Миср, Жазоир, Саудия Арабистони, Қатар, Мўғулистон давлатлари билан ҳукуматлараро музокаралар ўтказиш дастури ҳам ишлаб чиқилади.
Жаҳон савдо ташкилоти билан ишлаш бўйича идоралараро комиссия (Жамшид Хўжаев) икки ҳафта муддатда 2028 йил 1 январга қадаримпорт қилишда божхона божидан озод этиладиган қурилиш материалларини ишлаб чиқариш учун зарур бўлган хом ашё ва материаллар рўйхатини тасдиқлайди.
Ҳужжатга кўра, қурилиш материаллари ишлаб чиқариш ҳажми 62 триллион сўмга етказилади. Қурилиш саноати корхоналарининг экспорт салоҳиятини ошириш ва экспорт ҳажмини 1,5 миллиард АҚШ долларига етказиш учун зарур шароитларни яратилади. Экологик тоза, ресурстежамкор ва энергосамарадор қурилиш материаллари ишлаб чиқариш ҳамда қурилишда улардан фойдаланишни босқичма-босқич йўлга қўйилади.
Қурилиш материаллари хавфсизлигини назорат қилиш ҳам кучайтирилади. Бу 2026 йил 1 мартдан “Техник тартибга солиш” ва “Шаффоф қурилиш” ахборот тизимларининг ўзаро интеграцияси доирасида амалга оширилади.Мамлакатда хавфсизлик стандартларига жавоб бермайдиган қурилиш материаллари ишлаб чиқарувчи ва етказиб берувчилар реестри юритилади.
Қурилиш материаллари ишлаб чиқаришни ташкил этиш бўйича 3,5 миллиард АҚШ доллари миқдоридаги инвестиция лойиҳалари амалга оширилади. Бош вазир ўринбосари Жамшид Хўжаев “Ўзсаноатқурилишматериаллари” уюшмаси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда ушбу лойиҳаларнинг йиғма параметрларини тасдиқлайди.
Давлат хавфсизлик хизмати Чегара қўшинлари Ўзбекистон ҳудудида рўйхатдан ўтган ишлаб чиқарувчи корхоналар вакилларининг Афғонистон ҳудудига “Термиз” автойўл ўтказиш пункти орқали Давлат чегарасидан хавфсиз ўтиб қайтишларини таъминлайди.
