Куз-қиш мавсумида табиий газ истеъмоли юқори бўлганлиги 2024 йил 16 апрелдаги ВМҚ-204-сон қарор билан ноябр-феврал ойларида ҳар бир ой учун 500 куб метргача «базавий меъёр» белгиланган (март-октябрда эса ҳар ой учун 100 куб метргача).
Қорақалпоғистон Республикаси ва Хоразм вилоятида эса 500 куб метрли меъёр октябр-феврал ойлари учун берилади.
Бундан ташқари, эҳтиёжманд оилаларга ишлатилган электр энергияси ва табиий газ учун давлат томонидан ҳар ойда компенсация берилади.
Компенсация миқдори:
- электр энергияси учун — ойига базавий меъёрдан ортиқ (200 кВт/соатдан кейинги) 150 кВт/соатгача;
- табиий газ учун — қиш ойларида 250 куб метргача, бошқа ойларда 150 куб метргача баъзавий меъёрдан ортиқ фойдаланилган қисми учун.
Шунингдек, 2025/2026 йилги иситиш мавсуми учун ноябр ойида ҳар бир эҳтиёжманд оилага 1 миллион сўм миқдорида бир марталик моддий ёрдам берилади.
Маълумот учун, ҳаво ҳароратидан келиб чиқиб, Энергетика вазирлиги Вазирлар Маҳкамаси билан келишилган ҳолда, мазкур базавий меъёрларнинг иситиш ва бошқа мавсумлардаги амал қилиш муддатларига ўзгартириш киритиши мумкин.
Манба: t.me
