Бугун, 27 апрель куни Эрон Ташқи ишлар вазири Аббос Ароқчи Россиянинг Санкт-Петербург шаҳрига борди. Бу ҳақда IRNA хабар берди.
Қайд этилишича, Эрон Ташқи ишлар вазири эрталаб Россияга борган бўлиб, у Владимир Путин билан учрашиб, музокаралар ўтказади.
Агентлик маълумотига кўра, Ароқчи “Миноб 168” деб номланган самолётда учиб борган. Ушбу ном АҚШ ва Исроил зарбаси оқибатида ҳалок бўлган Миноб мактаби ўқувчилари хотирасига қўйилган.
Аввалроқ, Россия Президенти матбуот котиби Дмитрий Песков Ароқчининг ташрифи ва унинг Путин билан учрашуви режалаштирилганини тасдиқлаган эди.
Шунингдек, Эроннинг Москвадаги элчиси Козим Жалолий учрашув айнан Санкт-Петербургда бўлиб ўтишини маълум қилган. Унинг сўзларига кўра, музокараларда томонлар ўзаро ҳамкорликни мувофиқлаштириш ҳамда минтақавий ва халқаро даражадаги қўшма дастурларни илгари суриш масалаларини муҳокама қилади.
