Жорий йилнинг 10 март куни АҚШнинг Нью-Йорк шаҳрида йўл-транспорт ҳодисаси оқибатида Ўзбекистон Республикаси фуқароси Нилуфар Комилова ҳалок бўлди. Бу ҳақда Ўзбекистон Республикасининг АҚШдаги элчихонасига таяниб, “Дунё” ахборот агентлиги хабар берди.
Мавжуд маълумотларга кўра, ҳодиса Нью-Йорк шаҳри Транспорт департаментига қарашли юк автомобили иштирокида содир бўлган.
Ўзбекистоннинг Нью-Йорк шаҳридаги Бош консулхонаси марҳуманинг қариндошлари билан доимий алоқада бўлиб, зарур консуллик-ҳуқуқий ёрдам кўрсатмоқда.
“Дипломатик ваколатхона Нилуфар Комилованинг яқинлари ва қариндошларига оғир йўқотиш муносабати билан чуқур ҳамдардлик билдирди”, дейилади хабарда.
