Кеча, 8 март куни Германиянинг ғарбий ҳудудида метеорит қулади. Унинг парчалари қатор тураржой биноларига зарар етказди. Бу ҳақда “Deutsche Welle” хабар берди.
Полиция маълумотларига кўра, соат 19:00 атрофида Рейнланд-Пфалс ери, хусусан, Кобленс шаҳри ҳамда Хунсрюк ва Айфел тоғ массивларида уйларнинг томлари шикастланган. Гюлс туманидаги уйлардан бирининг томига осмон жисми қулаган.
Шу куни кечқурун Қуйи Саксония, Гессен, Саар, Баден-Вюртемберг ва бошқа ҳудудлар аҳолиси осмонда ёрқин нурли объектни кўрган. Фуқаролар буни ракета парвози деб тахмин қилишган. Ҳуқуқ-тартибот идоралари аҳоли хавфсизлигига ҳеч қандай таҳдид бўлмаганини таъкидлаган.
Маълумот учун, 2024 йил январь ойида Берлин атрофида диаметри қарийб 1 метр бўлган метеорит қулаган. Шунингдек, 2023 йили Шлезвиг-Голштейн ерига 15 га яқин метеорит тушган бўлиб, уларнинг 3,7 килограммлик энг йирик парчаси учун коллекционерлар 200 минг евро таклиф қилган.
