Колумбия Президенти Густаво Петро туҳмат қилгани учун эквадорлик мавқедоши Даниэль Нобоага нисбатан жиноий даъво қўзғатиш ниятида эканлигини маълум қилди. Бу ҳақда у кеча, 19 апрель куни ўзининг Х ижтимоий тармоғидаги саҳифасида ёзди.
“Мен Президент Нобоага нисбатан туҳматлари учун жиноий даъво беришга қарор қилдим”, дейди Петро.
Колумбия Президентининг норозилигига Эквадор Президентининг 2025 йил май ойида Манта шаҳрига қилган ташрифи ҳақидаги баёнотлари сабаб бўлган. Даъво қилинишича, Петро у ерда “Фито” лақабли наркобарон билан учрашган бўлиши мумкин.
“Нобоанинг ўзи, талаб этилганидек, мен таклиф қилинган инаугурация куни Мантага борганимда, Эквадор армияси хавфсизлигимни кечаю кундуз таъминлаши ҳақида буйруқ берган эди. У менга нисбатан фақатгина сиёсий маҳбус, Колумбия фуқароси ва Эквадор Республикасининг собиқ вице-президенти Хорхе Глас учун озодлик талаб қилганим сабабли беписандлик билан муносабатда бўлди”, деб ёзди Петро.
Унинг таъкидлашича, унга ҳамроҳлик қилганларнинг барчаси, шунингдек, бошқа гувоҳлар ташриф доирасида у қаерларда бўлгани, жумладан, ўз китобини ёзиш учун тўхтаган жойлари ҳақида кўрсатма беришлари мумкин.
