Қатарда содир бўлган ЙТҲ оқибатида ўзбекистонлик 11 ёшли бола ҳалок бўлди. Бу ҳақда “Дунё” ахборот агентлиги хабар берди.
Маълум қилинишича, Тошкент шаҳрида туғилган 11 ёшли М.А. Қатардаги сафари давомида содир бўлган йўл-транспорт ҳодисаси оқибатида автотранспорт воситаси бошқаруви йўқотилиши туфайли бош қисмидан олган тан жароҳатлари сабабли ҳодиса жойида вафот этган.
Бу ҳақида маълумот келиб тушиши билан дипломатик ваколатхона томонидан Қатарнинг тегишли давлат идоралари билан ҳамкорликда унинг дафн маросимини ташкил этишда амалий ёрдам кўрсатилди.
“Минтақада юзага келган мавжуд вазият ҳамда транспорт-логистика билан боғлиқ чекловлар инобатга олинган ҳолда, марҳумнинг жасади оиласининг розилиги билан барча миллий ва диний анъаналарга мувофиқ равишда Қатарда дафн этилди”, дейилади хабарда.
