Украина президенти Владимир Зеленский 25 февраль куни АҚШ президенти Дональд Трамп билан суҳбатда уруш 2026 йилда тугашига умид билдирди. Бу ҳақда украиналик расмий ва суҳбат мазмунидан хабардор икки манбага таяниб, Axios маълумот берди.
Учала манба ҳам президентларнинг суҳбати “жуда дўстона ва ижобий” руҳда ўтганини таъкидлаган. Трамп иложи борича урушни тезроқ тўхтатишга чақирган. Зеленский йил охиригача бунга эришишга умид билдирган.
Нашр суҳбатдошларига кўра, Украина президенти суҳбатда америкалик ҳамкасбига кўрсатилган ёрдамлар учун америкалик ҳамкасбига миннатдорлик билдирган ва фақат у Путинни урушни тўхтатишга мажбурлай олишини айтган.
Трамп эса Россия билан эҳтимолий тинчлик келишуви доирасида Украинага АҚШ хавфсизлик кафолатини беришга тайёрлигини тасдиқлаган. Украина, Россия ва АҚШ делегациялари музокараларнинг янги раунди март ойида бўлиб ўтади.
Зеленский бу учрашув Украина ва Россия етакчилари даражасидаги музокараларга йўл очишига умид қилмоқда. Трамп ҳам бундай кетма-кетликни қўллаб-қувватлаган. Етакчилар ўртасидаги 30 дақиқалик суҳбат АҚШ ва Украина президентларининг январь ойи охирида Давосда бўлиб ўтган учрашувдан кейинги биринчи мулоқоти бўлди.
