Буюк Британия тўртта ўзбекистонлик компания ва тадбиркорни санкциялар рўйхатига киритди

Буюк Британия Ўзбекистоннинг тўртта компаниясига, Raw Materials Cellulose, Gelion Business Trade, Chemistry International ва Фарғона кимё заводига қарши санкциялар киритди.

Бу компаниялар “Украинани беқарорлаштиришга ёки унинг ҳудудий яхлитлиги ва суверенитетига путур етказишга ҳисса қўшиши мумкин бўлган товарлар ёки технологияларни етказиб берганлик”да айбланмоқда. Шу сабабли уларга нисбатан активларни музлатиш чораларига қўшимча равишда молиявий санкциялар жорий этилган.

Британия ўзбекистонлик тадбиркор Рустам Мўминовга ҳам санкциялар жорий этди. У Исроил ва Россия фуқаролигига ҳам эга экани маълум қилинган. Мўминов “молиявий хизматлар ва ресурслар тақдим этиш орқали Украинани беқарорлаштиришга ҳисса қўшган ёки қўшаётган, ёхуд унинг ҳудудий яхлитлиги, суверенитети ва мустақиллигига зарар етказиши ёки таҳдид солиши мумкин бўлган фаолиятда иштирок этгани” таъкидланган.

Европа Иттифоқи ҳам октябрь ойи охирида ўзбекистонлик тадбиркор Рустам Мўминовга санкциялар киритганди.

More stories

Ўзбекистонда ҳарбий ОТМ битирувчилари 5 йил хизмат ўтамаса, ўқиш харажатларини қайтаради

4 ноября 14:22

Ўзбекистонда наркожиноятлар кўпайяпти. Президент унга қарши курашишни буюрди

3 ноября 17:55

Ўзбекистонда икки наркожиноий гуруҳ фош этилди

25 марта 12:36

Ўзбекистон делегацияси Оятуллоҳ Али Хоманаийнинг мотам маросимида иштирок этади

2 июля 09:02

Рустам Мўминов Ўзбекистоннинг Фарғона кимё заводини назорат қилади. Бу завод Перм порох заводи ва Қозон давлат порох заводига пахта целлюлозасини етказиб берган, улар эса бу хом ашёдан Россия Қуролли кучлари учун қурол-яроғ ишлаб чиқаришда фойдаланган, дейилган Европа Иттифоқи ҳужжатида.

2025-йилнинг май ойида Украина президенти Владимир Зеленский аллақчон Ўзбекистондаги юқоридаги учта компанияга (Chemistry International’дан ташқари)санкция қўллаган эди:

1. Mercury Renaissance

Тошкентда жойлашган масъулияти чекланган жамият қўшма корхонаси. У 2016-йилда рўйхатга олинган бўлиб, қурилиш техникаси ва жиҳозлари ижараси ҳамда лизинг асосида фойдаланиш билан шуғулланади. Таъсисчилар Мўминов Рустам (60 фоиз) ва Глухов Михаил (40 фоиз).

2. “Фарғона кимё заводи”

Фарғона шаҳридаги масъулияти чекланган жамияти 2012 йил рўйхатга олинган. У ҳам ёғоч массаси ва целлюлоза ишлаб чиқариш билан шуғулланади. Таъсисчиси Mercury Renaissance.

3. Raw Materials Cellulose

Жиззахда жойлашган масъулияти чекланган жамият. 2017 йил рўйхатга олинган ва ёғоч массаси ҳамда целлюлоза ишлаб чиқаришга мўлжалланган. Таъсисчи Уткина Лариса Михайловна. Ўша пайтда Mercury Renaissance ва унинг “шўба корхонаси” ҳисобланган “Фарғона кимё заводи” Рустам Раҳимжонович Мўминов (60 фоиз) ва Шаҳриёр Сахиёрович Тожиевга (40 фоиз) тегишли эди.