Миллий статистика қўмитаси Ўзбекистонда 10 ойда суғурта хизматлари ҳажми қанчага етганини маълум қилди.
Қайд этилишича, январь октябрь ойларида республикада 10 триллион сўмлик суғурта хизматлари кўрсатилган. Бу кўрсаткич 2024-йилнинг мос даврига нисбатан 2,6 триллион сўмга кўпроқдир.
Ушбу хизмат ҳажмидаги энг катта улушни бахтсиз ҳодисалардан, автотранспорт воситалари ва бошқа транспорт турларини, юк ва мулкни суғурталаш кабилар эгаллаган. Улар умумий ҳажмдан 81,5 фоиз қисмни банд қилишган.
Шу билан бирга, 2025 йил октябрь ойига қадар қайта суғурталаш хизматлари 14,2 фоизни, ҳаётни суғурталаш бўйича хизматлар улуши эса 4,3 фоизни ташкил этган.
Ўзбекистонда алимент тўловчилар энди суғурта полиси орқали чет давлатга уч ойгача муддатга бориб келиши мумкин бўлиши хабар қилинганди. Бунда алимент тўлаши шарт бўлган шахслар суғурта полисини илова қилган ҳолда илтимоснома билан мурожаат қилганда, давлат ижрочиси уларнинг чет давлатга чиқиши бўйича вақтинчалик чекловни тўхтатиб туради.
